مشكله كبيرة وعايز لها حل بجد يا جماعة

عضو مبدع المساهمات : 63 تاريخ التسجيل : 23/03/2008

السلام عليكم ورحمة الله وبركاته
يا ناس انا فى مشكله كبيرة اوى وعايز حد يقوللى حل اكيد
انا زمان ايام الشقاوة كنت بحب بنت جميلة اوى وبعدين سبتها مش دى المشكلة ؛ المهم اننا رجعنا لبعض بس اصحاب وبس وبرضه مش هى دى المشكلة ؛ وبعدين لما رجعنا اصحاب كانت بتحاول تشدنى لها تانى على اساس اننا نحب بعض تانى بس انا كنت رافض مش عشان فى حد تانى فى حياتى بس انا كنت رافض الفكرة اساسا ؛ وبرضه مش هى دى المشكلة . المشكلة انى بعدت عنها لظروف خارجه عن ارادتى بعد الجامعه وبعدين قابلتها تانى . وانا كنت واضح وصريح معاها من وقت ما رجعنا لبعض وهى مش قدرت كلامى ده . المصيبة انى دلوقتى حبيت واحد تانية مالية عليا حياتى وخطبتها كمان بس البنت الاولى مش عايزة تفهم كده . انا مقدر مشاعرها وحاسس بيها وعارف ان هى مش عارفه تنسانى وانها لسه بتحبنى ( مش غرور والله بس انا عارف ) بس انا دلوقتى اولا مش حاسس نحيتها باى حب وغير كده بحب خطيبتي جدا . وهى بتحاول تتصل بيا بس انا مش موافق انى اكلمها حتى مجرد الكلام ولو من دون شىء لانى اعرفها وعارف انها ممكن فى يوم من الايام تعمل مشكله . وانا قطعت معاها خالص وكله عشان خطيبتي وحبيبتي الغالية اللى مليش غيرها فى الدنيا وفى نفس الوقت صعبان عليا البنت الاولى وحيران معاها ومش عارف اريحها . يا ريت اللى يقرا رسالتى يجاوبنى بكل اخلاص وصدق .
وشكرا جدا ليكو . سلااااااام

</STRONG></STRONG>